Килијан Мбапе изјави дека му се остварил сон откако неговиот долгоочекуван трансфер во Реал Мадрид беше потврден вечерва. Француската суперѕвезда ќе го почне својот петгодишен престој на „Сантјаго Бернабеу“ по истекот на договорот со Пари Сен-Жермен на 30 јуни.
„Никој не може да сфати колку сум возбуден во моментов. Среќен сум и горд што доаѓам во клубот од моите сништа“, напиша 25-годишниот Мбапе на Инстаграм.
Мбапе ќе има годишна плата меѓу 15 и 20 милиони евра, во следните пет години ќе добие бонус од 125 милиони евра и ќе задржи 80% сопственост врз правата на своето име.
Мбапе се пресели од Монако во ПСЖ пред седум години откако тогаш првпат го одби Реал и на 308 натпревари постигна 256 голови. Во Реал, тој ќе игра во нападот со Бразилците Винисиус и Родриго, а ќе им се придружи и Ендрик откако овој месец ќе наполни 18 години.
(Фото: Гети)
