Финалето на „Игра на тронови“ го гледале рекордни 19,3 милиони гледачи, зацврстувајќи го статусот на епската фантастична драма како најгледана серија во историјата на Ејч-Би-О. ТВ-мрежата соопшти дека рекордниот број гледачи се однесува на сите три нејзини платформи и ја надмина минатонеделната бројка од 18,4 милиони гледачи.
„Во просек, осмата сезона се движеше околу 44,2 милиони гледачи, што е зголемување за повеќе од 10 милиони во споредба со седмата сезона. Последната епизода го постигна рекордот за најгледана програма на Ејч-Би-О, со 13,6 милиони гледачи кои се вклучиле во 21 часот“, соопшти Ејч-Би-О.
Претходниот рекорд од 13,4 милиони гледачи го држеше премиерата на четвртата сезона на „Сопранови“ во 2002.
Рекордот за најгледана американска ТВ-серија сѐ уште го држи комедијата „Меш“, чија последна епизода во 1983 година привлекла речиси 106 милиони гледачи.
