Седмата сезона на една од најпопуларните серии на „Нетфликс“, „Црно огледало“ (Black Mirror), ќе има премиера на 10 април. Креаторот Чарли Брукер вети „нови шест наелектризирани приказни“.
Во новите епизоди ќе глумат Питер Капалди, Иса Реј, Пол Џамати, Рашида Џонс, Трејси Елис Рос, Ема Корин, Кристин Милиоти, Аквафина и други.
„Можете да очекувате мешавина од жанрови и стилови“, најави Брукер.
За првпат во историјата на серијата, една епизода ќе добие директно продолжение. Станува збор за епизодата „USS Callister“ од четвртата сезона, при што Нанет Кол (Милиоти) и други ликови продолжуваат со своето виртуелно патување.
