ШОН ПЕН Е НЕПРЕПОЗНАТЛИВ ВО НОВА СЕРИЈА ЗА АФЕРАТА „ВОТЕРГЕЈТ“

Лос Анџелес, (Вараети)
Gaslit Season 1, Episode 2 John Mitchell (Sean Penn) CR: Hilary Bronwyn Gayle/Starz

Гледачите добија прв увид во новата серија за аферата „Вотергејт“ насловена „Gaslit“, во која главните улоги ги играат оскаровците Џулија Робертс и Шон Пен.

Пен доживеа целосна трансформација и изгледа непрепознатливо во улогата на Џон Мичел, јавниот обвинител, советник и пријател на Ричард Никсон, додека Робертс ја игра неговата сопруга Марта. Таа прва прозборела за вмешаноста на тогашниот американски претседател во аферата поради која тој поднесе оставка, но и ќе се растури нејзиниот приватен живот.

Серијата, која се фокусира на нераскажани приказни и заборавени актери од аферата „Вотергејт“, ќе има премиера на 24 април на ТВ-мрежата „Старз“. За серијата првпат се слушна летоска, кога Пен постави ултиматум до сите кои работат на неа да бидат вакцинирани против ковид-19.