Патрик Стјуарт уште еднаш ќе ја репризира улогата на Жан-Лук Пикард во нова серија од франшизата „Ѕвездени патеки“.
Ликот кој се појави во „Ѕвездени патеки: следната генерација“ и во неколку филмови ќе се врати во новата серија на Си-Би-Ес, во која ќе се зборува за наредното поглавје од неговиот живот. Си-Би-Ес не објави како ќе се вика серијата, ни кога ќе почне да се емитува.
Стјуарт самиот го објави ова кога неочекувано се појави на годишната конвенција за „Ѕвездени патеки“ во Лас Вегас.
„Секогаш ќе бидам горд на моето учество во ‘Ѕвездени патеки‘, но кога го снимивме последниот филм во 2002 година, почувствував дека моето време во серијалот природно е истечено. Затоа, ова е неочекувано, но пријатно изненадување за мене што сум возбуден што се враќам во улогата на Пикард. Ова е можност да се побара нов живот во него, кога мислев дека неговиот живот е завршен“, кажа Стјуарт.
Тој го играше Пикард во 178 епизоди од „Следната генерација“, која имаше седум сезони од 1987 до 1994 година, како и во четири филма.
