Бјанка Луис има 11 години и многу хобија: таа сака кукли, видеоигри, мечување, пеење и хакирање на инфраструктурата зад најмоќната демократија на светот.
„Ќе се обидам да ги сменам гласовите за Доналд Трамп. Ќе се обидам да направам да ги има помалку. Дури и да го избришам од изборите целосно“, вели Бјанка.
За среќа на претседателот, таа напаѓа реплика на сајтот, не вистинскиот.
Бјанка учествува во натпреварувањето организирано од R00tz Asylum, непрофитна организација која промовира „хакирање за добробит“.
Неговата цел е да испрати јасно предупредување: гласачкиот систем што ќе се користи низ САД за изборите за Конгресот во ноември е толку небезбеден, што и млади деца можат да го хакираат по само неколкуминутна обука.
„Овие сајтови се многу важни, бидејќи ја известуваат јавноста за изборните резултати. Тие исто така ѝ кажуваат каде се гласа. Можете да замислите што ќе се случи ако измениме која било од овие две работи – хаос“, вели основачот на R00tz Asylum, Нико Сел.
Неговиот тим направи 13 сајтови кои ги имитираат вистинските сајтови на 13-те држави во коишто се очекува гласањето да биде најтесно. За само еден ден, 35 од 39-те деца на возраст од осум до 17 години успешно ги пробија слабите безбедносни мерки.
На 11-годишната Одри Џонс ѝ требале само десет минути.
„Баговите во кодот ни овозможуваат да правиме што сакаме. Можеме некого да наречеме според нас и да направиме дека ние самите сме победиле на изборите“, вели Одри.
Минатиот месец, Конгресот го отфрли амандманот на демократите, кои побараа да се вложат 380 милиони долари во поголема безбедност на идните избори.
„Ова мора да го сфатиме сериозно. Сајтот на државниот секретар не би смеел да биде толку ранлив. Ова се познати слабости“, предупреди Сел.
