Пред да го соопшти името на мистериозниот патник кој ќе лета околу Месечината, Илон Маск објави нови фотографии од комерцијалното вселенско летало БФР на неговата компанија „СпејсЕкс“.
Сто и шест метри долгиот брод првпат беше најавен оваа година и Маск сега откри дека тој ќе има 40-ина кабини, што ќе можат да примат до 100 луѓе.
Засилувачот на БФР ќе има 31 рептор мотор, а самиот брод седум. Маск кажа и дека предното крило во близина на носот на бродот ќе се повлекува и шири по потреба.
Компанијата во четвртокот објави дека го добила првиот патник за лет околу Месечината. Маск не го откри неговиот идентитет, освен дека станува збор за Јапонец.
Првиот тест-лет на БФР е најавен за следната година, а првите луѓе на Марс би требало да ги испрати најрано во 2024 година.
