Препознатливиот шешир што Харисон Форд го носеше како Индијана Џонс се продаде за половина милион долари на аукцијата во Лондон, на која беа понудени предмети од познати филмови и серии од изминатите 40 години.
Сепак, ѕвездата на аукцијата на „Проп стор“, јакната која Хан Соло ја носеше во „Војна на ѕвездите: „Империјата го возварќа ударот“, која од старт беше проценета на 665.000 долари, не се продаде.
Организаторите рекоа дека по аукцијата имале неколку барања за јакната од научно-фантастичниот филм и се надеваат дека ќе ја продадат во следните неколку денови.
Повеќе од 600 костими и реквизити од популарни филмови и ТВ-серии се дел од аукцијата, од „Џејмс Бонд“, „Кум“, „Хари Потер“, „Бетмен“, „Ѕвездени патеки“ и „Томб рајдер“.
