Ејч-Би-О потврди дека последната сезона на „Игра на тронови“ ќе има невообичаено долги епизоди, при што четири од нив ќе траат околу 80 минути. И додека првите две епизоди ќе имаат стандардна должина за серијата, последните четири ќе бидат како пократки играни филмови.
ТВ-мрежата вчера и официјално ја објави должината на шесте епизоди од последната, осма сезона:
- прва епизода: 54 минути
- втора епизода: 58 минути
- трета епизода: еден час и 22 минути
- четврта епизода: еден час и 18 минути
- петта епизода: еден час и 20 минути
- шеста епизода: еден час и 20 минути.
Финалето на една од најгледаните и најуспешни серии на сите времиња стартува на 14 април.
