Вечерва во 20 часот, во Младински културен центар премиерно ќе се изведе претставата „Трагедијата на тигарската буба“, последна на Скопје танцовиот театар за 2019. Кореограф е гостинот од Берлин, Јотам Пелед.
„Во ‘Трагедијата на тигарската буба’ го истражуваме човекот кој е изгубен во огромниот број информации и сонува за исклучување. Играјќи помеѓу комичното и трагичното, оваа физичка театарско-танцова претстава сугерира гротескен универзум каде вредноста на животот и смртта се губи низ бројките“, вели Пелед.
Во претставата настапуваат танчарите на СТТ Адријана Данчевска, Дејан Битровски, Анастасија Данчевска, Тринга Хиса и Џорџа Лили (стажантка од Италија) и студентите од Катедрата за современ танц при Универзитетот „Гоце Делчев“ Сара Цветковска, Јована Зајкова, Тереза Лазарев, Бобан Русески, Исидора Краљевска, Борис Богдановски, Ивана Балабанова и Дамла Пинар Башар (Турција).
