По пет години, Калиопи се враќа со концерт на македонската музичка сцена. Таа вечерва ќе настапи во Велешки театар и најавува дека ќе изведе песни од разни периоди на нејзината кариера, дел со кој публиката ќе ја врати назад низ времето, дел актуелни хитови.
Придружниот состав е истиот со кој настапува во последните седум години.
Калиопи досега има одржано три солистички концерти во Велес: првиот беше во рамките на турнејата „На пат по Македонија“, па настапи на нејзиниот роденден на 28 декември 2005 во малата сала на Општина Велес и третиот беше на Питијадата во 2015.
П. ПЕЧКОВ
(фото: Немања Новаковиќ)
