Актерката Ања Тејлор-Џој се венчаше викендов во Венеција со австралискиот музичар Малколм Мекреј. Венчавката се одржала во палатата Пизани Морета од 15. век, каде што 27-годишната ѕвезда на серијата „Дамски гамбит“ беше снимена во венчаница на „Диор“.
Меѓу 150 гости на венчавката беа и актерите Мајлс Телер, Џулија Гарнер и Николас Хоулт, со кого Тејлор-Џој играше во „Мени“ и моделот Кара Делевињ.
Тејлор-Џој и Мекреј се запознале на премиерата на „Дамски гамбит“ во 2021 и два дена подоцна тој напиша песна за неа насловена „Навистина сакам да те видам повторно“ и се сними како ја пее на Инстаграм. Дури една година подоцна, тие првпат заедно се појавија во јавност на предоскаровската забава во Холивуд.
(Фото: Гети)
