Во Париз почна снимањето на новата сезона на популарната серија на „Нетфликс“, „Емили во Париз“. Ѕвездата на серијата Лили Колинс на Инстаграм потврди дека екипата е собрана во Париз за снимањето, кое беше одложено од јули поради штрајкот на сценаристите и актерите во Холивуд.
Истиот ден кога Колинс ја објави веста, актерката Ешли Парк, која глуми во серијата, откри дека е во болница поради критична здравствена состојба после одмор во Тајланд. Извори на „Дедлајн“ велат дека таа заздравува и дека не е загрозено снимањето.
„Емили во Париз“ имаше премиера во октомври 2020 и стана моментален хит.
