Од 14 до 18 октомври во Кинотека на Македонија ќе се одржи „Недела на романски филм“, во чии рамки ќе бидат прикажани три играни и два документарни филмови.
Романската кинематографија доживеа вистински подем во последните две децении, со таканаречениот „нов романски бран“ како водечко движење кое внесе свежина и оригиналност на европската филмска сцена.
Ќе се прикажат документарните филмови: „Меѓу револуциите“ на 14 октмомври, „Арсение, невероjатниот задгробен живот“ на 15 октомври, и играните филмови: „Мамалија“ на 16 октомври (фото), „Дете од војна“ на 17 октомври и „Не очекувај премногу од крајот на светот“ на 18 октомври. Сите проекции започнуваат во 20 часот.
