Денес и утре (5 и на 6 април) во хотелот „Мериот“ во Скопје ќе се одржи меѓународниот танцов натпревар „Дајмонд“.
Ќе се натпреваруваат танчари од Македонија, Полска, Србија, Бугарија, Грција, Унгарија, Албанија и Босна и Херцеговина.
„На натпреварот кој ќе трае два дена ќе учествува судиска комисија од 24 национални, меѓународни и искусни судии кои ќе обезбедат правична и точна евалуација на натпреварувачите“, велат организаторите, инклузивното танц студио „Денсерс јунајтед“.
Ќе настапат над 1.500 танчари од 40 клубови со над 2.200 кореографии со класичен балет, модерен балет, латино и стандардни танци, акробатски танц шоуа, хип – хоп, инклузивен и пара танц, диско и уличен танц и други категории.
