Денеска (5 мај) од 21 часот, во „Лабораториум“ во Скопје ќе биде промовирана поетската книга „Скапо е сонцето“ од Јовица Ивановски. Книгата ќе ја промовира проф. др. Лидија Капушевска-Дракулевска, а песни ќе чита поетот Андреј Ал-Асади.
Ивановски е роден во Скопје во 1961. Автор е на 19 книги поезија и неколку избори на македонски и англиски. Застапен е во повеќе антологии и препеан на петнаесетина јазици. Добитник е на наградата „Браќа Миладиновци“ на Струшките вечери на поезијата за книгата „Човек“ (2019).
Фото: С. Димоски
