Режисерот Васил Христов почна со пробите во Македонскиот народен театар (МНТ) за претставата со работен наслов „Кататонија“, по мотиви на драмскиот текст на Алис Бирч. Драматург е Викторија Рангелова-Петровска.
Според режисерот Христов, претстои интензивен и динамичен процес, во кој преку драмскиот материјал што се обработува се отвораат повеќе горливи прашања за нашето современо општество.
„Поигрувањето со драмската форма, драмската структура и специфичниот наратив, каректеристични за авторката Бирч, ќе се применува и во адаптацијата на драмскиот материјал“, вели режисерот.
Претставата се работи во копродукција на МНТ и „Вондерленд театар“ од Скопје.
Во претставата играат: Игор Ангелов, Сања Арсовска, Верица Недеска, Дениз Абдула, Владимир Петровиќ, Јасмина Василева, Јасмина Билаловиќ и Ања Митиќ. Како костимограф се потпишува Роза Трајческа-Ристовска, сценографијата Васил Христов.
Премиерата се планира ната изведба на претставата е предвидена за почетокот на јуни.
(Фото: Д. Ингилизовски)
