Актерката Мини Драјвер се приклучува на петтата сезона на „Емили во Париз“. Новата сезона на популарната серија на „Нетфликс“ со Лили Колинс во главната улога беше најавена во септември 2024, а приказната започнува во Рим.
Актерската екипа за новата сезона ги вклучува и: Лукас Браво, Лусиен Лависконт, Еугенио Франческини, Филипин Лерој-Болие, Семјуел Арнолд, Бруно Гуери, Вилијам Абади и Ешли Парк.
Драјвер ќе ја игра принцезата Џејн, која ѝ е пријателка на Силви, а се омажила во кралско семејство.
Драјвер е најпозната по нејзините филмски улоги, вклучувајќи ја и улогата во „Добриот Вил Хантинг“ за која беше номинирана за Оскар.
Заплетот на петтата сезона на серијата чиј продуцент е Дарен Стар започнува неколку дена по завршувањето на четвртата сезона, бидејќи Емили се сели во Рим за да ја води италијанската канцеларија на агенцијата „Грате“.
Фото: Гети
