По пауза од две години, македонскиот композитор со њујоршка адреса Дуке Бојаџиев повторно ќе настапи пред домашната публика, најавувајќи два едноподруго концерти на 11 и 12 мај во Македонската филхармонија. Тие ќе бидат реализирани во соработка со Министерството за култура и „3Гонга”.
Наречени „Сон-верба-љубов“, Бојаџиев на концертите ќе ги промовира материјалот од истоимениот нов албум, како и дел од неговото поново филмско творештво.
Бојаџиев (пијано и вокал) ќе настапи со тим од врвни музичари. Специјални гости ќе бидат Тијана Дапчевиќ, актерката Наташа Петровиќ (вокал и нарација), Исмаил Лумановски на кларинет, Костас Анастасијадис на тапани, Мартин Ѓаконовски на контрабас, како и жичениот квартет во состав: Владимир Крстев (виолина 1), Маја Ефремова-Шеќерова (виолина 2), Марко Виденовиќ (виола) и Марија Михајловска (виолончело).
Билетите ќе бидат пуштени во продажба од 16 април на билетарницата во Македонската филхармонија и преку мрежата на мктикетс.
