На 9 октомври во Кинотеката на Македонија ќе почнат Денови на словенечки филм, со проекција на комедијата/драма „Спасение за почетници“ во режија на Соња Просенц. По проекцијата ќе има разговор со продуцентот на филмот Рок Сечен.
Следниот ден од 19 часот ќе се прикаже новиот детски филм на Клемен Дворник, „Игралиштето не го даваме!”, а на 11 октомври е документарниот филм на Петра Селишкар, „Планината не оди никаде“.
Проекциите се на словенечки јазик со превод на македонски и англиски јазик.
Денови на словенечки филм се организираат во соработка со Кинотеката на Македонија и Словенечкиот филмски центар.
