Утре (11 ноември) во 19 часот, во Чифте амам, објект на Националната галерија на Македонија (НГМ), ќе се отвори изложбата „Пурпурна имагинација“ на уметникот и професор на тетовскиот Државен универзитет, Сафет Спахиу. Ќе бидат изложени 50 дела од неговиот последен циклус на слики изработени во комбинирана техника. Кустос на изложбата е Маја Крстевска. Изложбата ќе трае до 24 ноември.
„Во овој циклус, одлика на авторот се јаки контрасти со потези во полутонови и големата желба да се избегне, да се одмине денешнината. Тоа на гледачот му овозможува чувство на контакт со делото, како и допир со радоста на неговото творештво. Уметникот ни ја демонстрира својата чиста сведеност на необични, имагинарни и поетски слики“, велат од НГМ.
