Вечерва (10 декември) од 19:30 часот, во Малата сала на Филхармонијата ќе се одржи промоцијата на книгата „Три лица на љубовта“ од авторот Митко Чешларов, во издание на „Сигмапрес“.
Книгата е уникатен мултимедијален проект составен од лирски записи, авторски песни и драмски текст, три различни форми преку кои се обработуваат теми што секој човек ги носи во себе: љубов, осаменост, копнеж и внатрешни лични приказни. Секоја композиција има свој лирски запис, а во книгата се вклучени и кју-ар кодови кои водат до сите досега снимени песни на официјалниот јутјуб канал на авторот.
Врз основа на текстовите во книгата досега се снимени осум авторски композиции, а проектот продолжува со создавање и снимање нови песни. Истиот концепт се подготвува и за Хрватска.
Песните ги пеат Мариана Бошковска, Ана Петановска, Горан Наумовски, Агни Авшар, Биба Додева, Жаклина Стевковска и Зорица Поп Панкова (фото). Автор на музиката и текстовите е Митко Чешларов, а аранжери се Ангел Ќосев, Кристијан Габроски, Стефан Петановски, Давор Јордановски и Владимир Дојчиновски. Настанот ќе го водат Драги Павлевски и Жаклина Стевковска и е отворен за публика.
