Холивудската актерка Шерон Стоун ќе биде специјална гостинка на годинашниот Виенски оперски бал на 12 февруари, кој го организира Карл Гушлбауер, познат во Австрија како „кралот на колачите“. Традиционалниот настан претставува круна на австрискиот јавен живот и привлекува околу 5.000 гости.
„Оперскиот бал е светски познат настан, а операта е магично место. Со големо нетрпение очекувам да се нурнам во овој свет“, изјави Стоун.
Со децении, бизнисменот и истакната личност на виенското општество кани познати американски ѕвезди, од Ким Кардашијан до Џејн Фонда, да му бидат придружба на балот, често предизвикувајќи големо медиумско внимание.
„Нејзините харизма, елеганција и општествена ангажираност совршено се вклопуваат со нашиот бренд“, изјави Гушлбауер.
Тој поседува синџир пекарници што го носат неговото име и се специјализирани за леб и традиционални австриски колачи. Можеби се најпознати по колачите „грклани“, лиснати спирали полнети со крем и посипани со шеќер во прав.
(Фото: АФП)
