На 31 март во Офицерскиот дом во Битола од 19 часот, концерт ќе одржи мандолинскиот оркестар на Хрватското графичко музичко друштво „Слога“ од Загреб. Концертот е насловен „Мозаик на хрватската мандолина“ и ќе диригира маестро Максимилијан Бориќ.
Младинскиот мандолински оркестар на „Слога“ основан е во 2022. Го сочинуваат ученици кои свират на мандолина и гитара од Музичкото училиште „Павло Марковац“ од Загреб, ученици кои свират гитара од други музички училишта, како и студенти и поранешни ученици кои свират мандолина. Оркестарот оваа година слави 97 години од основањето.
Репертоарот се состои од класични и современи композиции од хрватски и странски композитори напишани за мандолински оркестар.
Во 2023, оркестарот за првпат се претстави на 27. Хрватски фестивал на мандолина во Имотски, каде што ја освои втората награда во категоријата класична и современа музика. Оркестарот одржа концертна турнеја во Србија и во Италија и интензивно се посвети на изведување дела од хрватски композитори за мандолински оркестар, оживувајќи некои од тие дела кои со децении не се изведувани. Уметнички директор и диригент на оркестарот е Максимилијан Бориќ, професор по мандолина кој дипломирал мандолина на Конзерваториумот „Џузепе Верди“ во Милано.
Ж. ЗДРАВКОВСКА
