Денеска (21 мај) во малата сала на Драмскиот театар во Скопје ќе се одржи промоција на книгата „Репертоарски калеидоскоп“ на театарскиот критичар и публицист Тодор Кузманов.
Станува збор за издание кое преку аналитички осврти, критички текстови и театарски записи отвора важни прашања за современиот театар и за неговите развој, естетика и општествено значење. Книгата претставува драгоцен придонес за театарската уметност и културната јавност, како и сведоштво за долгогодишната посветеност на авторот кон театарската критика.
Промотор ќе биде проф. д-р Иван Додовски, кој во предговорот на книгата вели: „Ретки се авторите кои со знаење и долгогодишна истрајност го следат, бележат и анализираат театарскиот живот во Македонија“.
