Вечерва (21 мај) од 19:30 часот, во „Аудиокултура“ во Скопје ќе биде промовиран новиот албум на Добрила Грашеска (вокал, вокални лупови) и Дориан Јовановиќ (ут, лупер, електроника, програмирање), насловен „Wind To Blow” (Ветер да подујне). Концертната промоција на албумот е закажана на 4 јуни во Националната опера и балет во рамките на 25. Офф-фест.
После „Апокриф“ и „Пиле шарено“, „Wind To Blow” е третиот албум на дуото Добрила и Дориан. Албумот е снимен, миксан, мастериран и продуциран од Јовановиќ во студиото „Профундус“ во Скопје, а дизајнот е на Ника Гавровска. Албумот го издава „СЏФ рекордс“.
(Фото: Н. Величковска)
