На 28 мај од 20 часот, во Театар Комедија премиерно ќе се изведе претставата „Избраниот“ по текст на Ева Камчевска, а во режија на Јане Спасиќ. Во претставата играат Тони Денковски, Жаклина Петровска, Виктор Арсов, Сергеј Димоски, Елена Кузманов и Ангела Лефкова.
„Избраниот“ се најавува како апсурдна комедија за тричлено семејство кое живее во една рудиментарна средина и се подготвува за моментот кога родителите ќе му ја соопштат ‘вистината’ на синот единец за неговата посебност.
Сценографијата е на Мери Батакоја, а костимите на Ивана Каранфиловска-Угуровска.
Камчевска (1983) е драматург и сценарист со диплома од Факултетот за драмски уметности во Скопје, која се образовала и на Филмската школа во Ванкувер во доменот на филмското и телевизиското сценарио.
