Многу познати актерки, телевизиски ѕвезди и модели учествувале на избори за убавина пред да станат славни.
Меѓу нив е Хали Бери, која во 1986, како Мис Охајо, се натпреварувала на Мис САД и завршила како прва придружничка на победничката Кристи Фихтнер. Подоцна изгради голема холивудска кариера и освои Оскар за најдобра актерка.
Опра Винфри победувала на изборите Мис за противпожарна заштита и Мис Тенеси, а учествувала и на „Мис блек Америка“ во раните 1970-ти. Токму едно од овие натпреварувања ѝ ја отворило вратата кон нејзината прва работа во радио на 17 години.
Гал Гадот на 18 години ја освоила титулата Мис Израел во 2004, а потоа учествувала и на Мис Универзум. Години подоцна стана светски позната со улогата на „Жената чудо“.
На листата е и Пријанка Чопра, која во 2000 ја освоила титулата Мис на светот, додека Оливија Калпо во 2012 прво станала Мис САД, а потоа истата година победила и на Мис Универзум.
Мишел Фајфер како тинејџерка била Мис на округот Оринџ, а Ванеса Вилијамс во 1983 влезе во историјата како првата црна жена која победила на Мис Америка.
Меѓу поранешните учеснички на избори за убавина се и Хана Браун, која била Мис Алабама САД 2018, Линда Картер, која во 1972 била Мис на светот САД, и актерката Делта Бурк, која во 1974 ја освоила титулата Мис Флорида.
