Од 4 до 8 септември, во паркот „Авионче“ во скопски Аеродром ќе се одржи второто издание на фестивалот на улична храна „Аеро стрит фуд фестивал“. Во текот на петте вечери ќе има гастрономска понуда, музика во живо, диџеј-сетови, натпревари и забавна програма, а финалето ќе биде во знакот на „ДНК“ и Владо Јаневски.
Ќе настапат бендовите „Саут парк“, „Рингтонс“, „Допамин“, „Марбел“ и „Акустик дивижн“. Програмата ќе ја дополнат Милан Серафимов, Александар Јорданов, „Јанко петел јаваше“, Марко, Васо, Ризински, диџеите од „Флуере“, Гардијан, Фичо и „Шур шотс“.
На 8 септември, на последната фестивалска вечер, „Акустик дивижн“ ќе приреди специјален музички трибјут на Владо Јаневски, додека „Шур шотс“ ќе настапат со трибјут за „ДНК”.
