„Епл“ го презеде водството на глобалниот пазар на смартфони, симнувајќи го „Самсунг“ од врвот за првпат по 12 години. Една петина од телефоните испорачани лани биле од американскиот технолошки гигант, објави Меѓународната корпорација за податоци (ИДЦ).
„Самсунг“ зафаќал 19,4% од пазарот, следен од кинеските производители „Шјаоми“, „ОППО“ и „Трансион“.
Според ИДЦ, лани биле продадени речиси 1,2 милијарди смартфони, што е намалување од 3% во споредба со 2022. Тоа е најмалото количество продадени телефони во последните десет години, но експертите предвидуваат дека пазарот ќе се подобри оваа година.
„Најголемиот победник е ‘Епл‘, кој лани продал 234 милиони телефони. Не само што е единствениот играч во топ-3 кој остварил раст, туку и првпат изби на првото место“, кажаа од ИДЦ.
(Фото: Гети)
