ЏЕНОВА ОТВОРА НОВ МОСТ ДВЕ ГОДИНИ ПО НЕСРЕЌАТА ВО КОЈА ЗАГИНАА 43 ЛУЃЕ

Џенова, (Ројтерс)
epa08532456 A general view of the new Genoa motorway bridge construction site, in Genoa, northern Italy, 07 July 2020. The new bridge is under construction after the Morandi highway bridge partially collapsed on 14 August 2018, killing a total of 43 people. EPA/LUCA ZENNARO

Речиси две години по катастрофалната несреќа во која загинаа десетици луѓе, во Џенова следниот месец ќе се отвори нов вијадукт на местото на урнатиот мост Моранди.

„Мостот ‘Свети Георги‘ ќе биде пуштен во промет на 3 август во 18:30 часот“, соопшти градоначалникот на Џенова, Марко Бучи.

Новиот мост кој поминува преку реката Полчевера и е директна врска меѓу Италија и Франција го дизајнираше светски познатиот архитект Ренцо Пијано. Долг 1.067 метри, тој беше изграден за рекордно време, 22 месеца по несреќата. Поставен е на 18 столбови и опремен со соларни панели, што му дава енергетска автономија.

Дел од стариот мост се урна на 14 август 2018 година, при што загинаа 43 луѓе.