Малезија ќе гради три вештачки острови покрај брегот на Пенанг, кои ќе се базираат на одржливост и биодиверзитет и ќе содржат мрежа на автономен јавен превоз, многу зелени површини и радикални дизајни.

Секој остров ќе биде обликуван во вид на водни лилјани и ќе може да прими 18.000 жители. Тие ќе имаат 4,6 километри плажи, урбани мочуришта, јавни паркови, шуми, културни области, технолошки центри, како и 25 километри долго крајбрежје.

BiodiverCity ќе биде околина без автомобили, а областите ќе бидат поврзани со копнен, воден и воздушен автономен јавен превоз, како и со велосипедски патеки. Островите ќе добиваат струја од обновливи извори, додека зградите ќе бидат направени од бамбус, малезиско дрво и рециклирани материјали.

Проектот го развива студиото БИГ на прославениот дански архитект Бјарке Ингелс, во соработка со владата на Пенанг.

„Пенанг се карактеризира со богати културна разновидност и биодиверзитет, па ние ги замисливме островите на Јужен Пенанг како архипелаг каде што овие две работи можат да коегзистираат во екосистем создаден од човекот, при што меѓусебно ќе се прошируваат и зајакнуваат“, изјави Ингелс.

Засега не е познато кога островите ќе биде завршени, но тие се дел од поширокиот проект „Пенанг2030“.