ЕЛЕКТРИЧЕН „БУГАТИ“ ЗА ДЕЦА ОД 30.000 ЕВРА

Женева, (Енгаџет)

За својот 110. роденден, „Бугати“ им се враќа на корените.

Француската автокомпанија се сети на „бугати тајп 35“, својот славен тркачки автомобил познат и како „бугати бејби“ и го возобнови во модерно издание.

Ограничената серија „бугати бејби 2“ има електричен погон, режим на возење за деца и за возрасни и цена од 30.000 евра.

„Бејби 2“ има сличен изглед како оригиналот, но е помал. Во детскиот режим на возење, тој најмногу може да развие 20 километри на час, додека за возрасните, максималната брзина е 45 км/час.

Почнувајќи од оваа есен, „бугати бејби 2“ ќе биде произведен во само 500 примероци.