„ТОЈОТА“ СОЗДАДЕ ПОСЕБНО ВОЗИЛО ЗА ОЛИМПИЈАДАТА ВО ТОКИО

Токио, (Дезин)

Јапонската автокомпанија „Тојота“ создаде автономно електрично возило за потребите на учесниците на Летните олимписки игри 2020 во Токио. При дизајнирањето на „е-палет“ била водена сметка тоа да биде пристапно и за параолимпијците, па затоа возилата имаат големи врати, низок под и електрична рампа.

Овие возила ќе ги опслужуваат спортистите и друг персонал во Олимпиското село. Тие ќе можат да примат четворица патници во инвалидска количка и најмногу седуммина што стојат.

Возилото ќе биде контролирано од специјално дизајниран систем на автономно возење, што содржи хардвер, софтвер и напредни сензори. Системот ќе ја набљудува и околината под агол од 360 степени, со цел да препознава пречки. Неговата максимална брзина ќе биде 20 километри на час.