Со уникатната модна ревија и презентација „Дијалози“, која ја организираше Амбасадата на Шпанија, почна 28. Моден викенд Скопје, кој се одржува до утре (30 март) во деловниот дел од трговскиот центар „Ист гејт“.
![](https://smart.sdk.mk/wp-content/uploads/2024/03/Image00004-1.jpg)
Ревијата беше спој на мода и занаетчиство, инспирирана од керамиката Талавера де ла Реина и жителите на овој град во Шпанија.
![](https://smart.sdk.mk/wp-content/uploads/2024/03/Image00011-2-scaled.jpg)
На неа соработуваа македонските модни дизајнери Роберт Ивановски и Магдалена Таневска и грнчарите Анета Попова, Слободан Столески, Христина Крстеска и Татјана и Борче Богоевски, кои прикажаа интересни предмети од керамика.
![](https://smart.sdk.mk/wp-content/uploads/2024/03/Image00015.jpg)
Првата вечер на Моден викенд Скопје продолжи со изложба на Друштвoто на ликовни уметници.
![](https://smart.sdk.mk/wp-content/uploads/2024/03/Image00009-3-scaled.jpg)
Се одржаа уште две ревии за кои имаше доста интерес кај публиката: на Радмила Георгиева и „Криус“ и на Магдалена Таневска, „Инт груп“ и „Naash.X“.
М. ЏАРОВСКА