Tехнолошките милијардери, кои беа во првиот ред на инаугурацијата на Доналд Трамп, покажаа спој на традиционално политичко облекување и стил што повеќе привлекува внимание, вели модната стилистка Лорен А. Ротман, која е во бизнисот повеќе од 20 години и облече неколкумина гости за настанот годинава.
Свршеницата на Џеф Безос, Лорен Санчез, носеше бел костум со чипкаст градник што забележливо ѕиркаше од под нејзинoто палто, комбинација што се судри со свеченоста на настанот.
„Гледаме како сопругата на Марк Закерберг, Присила Чен, ја отелотворува класичната подиграна елеганција, додека Лорен Санчез внесува похрабра енергија со нејзиниот крем корсет, кој потсетува на долна облека. Нејзиниот впечатлив избор е на раб да го одвлече вниманието“, вели Ротман.
Ќерката на претседателот Иванка Трамп изгледаше шик во зелено здолниште со тенок црн појас и соодветна зелена шапка.
„Тоа е момент на Џеки О. Иванка Трамп изгледаше беспрекорно, спојувајќи ја љубовта кон стилот и модата со нејзиното политичко присуство“, вели Ротман.
Покрај Илон Маск, Безос и Закерберг, гости на инаугурацијата беа и шефот на „Епл“, Тим Кук, извршниот директор на „Алфабет“, Сундар Пичаи, најбогатиот Европеец Бернар Арно и најбогатиот човек во Индија, Мукеш Амбани.
(Фото: Гети)
