Истиот ден откако од Владата кажаа дека засега нема потреба од воведување нови рестриктивни мерки, во Македонија е регистрирана најголемата бројка на новозаразени со коронавирус оваа година.
- Во изминатите 24 часа, во Македонија се потврдени 1.293 нови случаи на зараза, речиси 300 повеќе во однос на вчера.
- Речиси половина од нив се во Скопје – 626, па следуваат Прилеп со 88 и Велес со 60.
- Рекордно многу нови случаи досега се регистрирани на 25 октомври – 1.406.
- Ковид-19 однесе уште 24 животи, вкупно 3.388 од почетокот на епидемијата.
- Бројот на активни случаи порасна на 12.819.
- Иако министерот за здравство Венко Филипче призна дека Македонија се наоѓа среде трет бран, а бројот на заразени за еден месец се зголеми за 5.000, нови рестрикции засега нема да се воведуваат.
- На сила единствено е полицискиот час од 22 до пет часот.
