„Меморија“ направи преработка на четири македонски народни песни во рок аранжман. Групата ги спои песните „Едно име имаме“, „За многу години Македонци“, „Заветна“ и „Налеј, налеј“ во една со наслов „Македонски бисери“.
Аранжманот е на Петар Георгиевски-Камиказа, Давор Јордановски и Мите Димовски, во чие студио „Тра ла ла“ е снимена песната. Продуценти се Димовски и Јордановски.
Во најава се уште неколку песни кои ќе излезат до скопскиот концерт, кој ќе се одржи на 16 ноември во салата „Борис Трајковски“. На 1 јуни, „Меморија“ ќе има концерт во Штип, на летната сцена на Домот на млади. Неодамна, бендот ја промовираше баладата „За тебе“.
