Нови 36 случаи на коронавирус се регистрирани во Македонија, што е најголем дневен пораст овој месец.
- Иако беше најавено, Министерството за здравство објави дека засега нема да има попуштање на рестриктивните мерки, откако денеска беа потврдени 36 новозаразени (од 411 тестирања).
- Дури 12 од нив се во Тетово, во Скопје има седум нови случаи, во Велес шест, во Куманово и Прилеп по четири, како и еден во Гостивар, Пехчево и Берово, прв во овој град досега.
- Во Македонија досега има 1.622 позитивни теста.
- Од последиците на коронавирусот почина 58-годишен велешанец, кој бил хоспитализиран пред една недела.
- Бројката мртви од КОВИД-19 со тоа порасна на 91.
- Институтот за јавно здравје извести дека оздравеле уште 13 лица, вкупно 1.112.
