ПРЕМИЕРА НА „ПРОЗОРЦИ“, ТАНЧАРСКИ ПРОЕКТ НА МАТЕА МИЈАНОВИЌ

Скопје, (СМАРТ СДК.МК.)

Вечерва од 19 часот, во Домот на АРМ во Скопје ќе се изведе проектот „Прозорци“, во продукција на платформата за млади уметници „Инкубатор“. Автор на проектот е скулпторот и продуцент Матеа Мијановиќ, а го создаде во соработка со танчарите Митко Дамјановски, Анастасија Данчевска, Дејан Битровски, Адријана Данчевска и Драган Теодосиев.

„’Прозорци’ е студија за релациите, отуѓувањето и моменталното чувство на поединецот, искажана низ монотонијата на секојдневните рутини, со цел да отвори ‘прозорец’ кон надминување на тие секојдневни рутини и калапи на однесување“, велат од продукцијата.