Вечерва (30 октомври) од 20 часот, на фестивалот на античка драма „Стоби“ на сцената на Велешкиот театар ќе се изведе претставата „Калигула“, во продукција на Кумановски театар. Претставата е работена по текст на Албер Ками, а е во режија на Ѓорѓи Ризевски.
„Калигула од претставата е слободен човек, уметник, кој се бори и твори во името на слободата. Удира со главата во ѕид и го руши. Не го прифаќа секојдневието во животот и војува за промени. Сака да се ослободи од правилата на животот и сака неговата душа да биде вечна и да живее на крајот само во љубов“, вели режисерот Ризески.
За потребите на претставата снимен е документарен филм „Калигула“, во режија на Емил Пачковски.
П. ПЕЧКОВ
