Вечерва (31 јули) и утре (1 август) во Културниот едукативен центар „Лабораториум“, во склоп на летната фестивалска програма „Скопје вибрира“, ќе има две филмски вечери на отворено, посветени на современата француска кинематографија.
Вечерва (31 јули) во 21 часот, ќе биде прикажан филмот „Повторно раѓање“ (En Corps) во режија на Седрик Клапиш, приказна за млада балерина која, по сериозна повреда, повторно го пронаоѓа својот пат низ светот на современиот танц.
На 1 август во 21 часот, ќе има проекција на „Празникот на Џим“ (Le Roman de Jim) во режија на Арно и Жан-Мари Ларије, драма за љубовта, родителството и семејството што го градиме преку сопствените избори.
Влезот за двете проекции е бесплатен. Поради ограничениот број места, организаторите велат посетителите да пристигнат порано.
Филмските вечери се реализираат со поддршка на Францускиот институт во Скопје, како дел од фестивалот „Скопје вибрира“.
