Џебното „Фино кино“ во „Лабораториум“ во Скопје ја почнува новата сезона со филмови на двајца познати режисери, Џим Џармуш и Педро Алмодовар.
На 4 и 5 октомври ќе се прикажува „Татко, мајка, сестра, брат“ на Џармуш, добитник на Златниот лав на Венецискиот филмски фестивал во 2025. Следните два дена, на програмата е „Горчлив Божиќ“ на шпанскиот режисер Педро Алмодовар, кој премиерно беше прикажан на годинашниот Кански фестивал.
„Фино кино“ работи во рамките на „Лабораториум“, независен културен и образовен центар во Скопје. Програмата опфаќа избрани современи светски и македонски филмови, а по некои проекции се организираат и разговори со филмски автори, критичари и гости од различни области.
Сите проекции почнуваат во 20 часот, а влезниците чинат 200 денари.
