САМО 11 НОВИ СЛУЧАИ НА КОРОНАВИРУС ВО ЗЕМЈАТА, НАЈМАЛКУ ОД 21 АПРИЛ

Скопје, (СМАРТ СДК.МК)

Министерството за здравство ја регистрираше најмалата бројка нови случаи на коронавирус во изминатите четири месеци, откако во тој период таа главно беше трицифрена.

  • Во изминатите 24 часа се потврдени само 11 нови случаи на зараза, што е најмал дневен пораст од 21 април, при што биле направени 450 тестирања.
  • Три нови случаи има во Скопје и по еден во Куманово, Тетово, Гостивар, Гевгелија, Крива Паланка, Берово, Виница и Делчево.
  • Од почетокот на епидемијата, во земјата има 14.341 заразено лице.
  • Ковид-19 однесе уште три животи во Македонија, па вкупната бројка починати порасна на 603.
  • Расте бројот на оздравени лица, 11.157, од кои 95 се нови.
  • Во Македонија моментално има 2.581 активен случај на коронавирус.