Во Македонија се најавува повторно воведување на рестриктивни мерки откако втор ден по ред е регистрирана рекордна бројка на новозаразени со коронавирус.
- Втор ден по ред, во Македонија има над 300 нови случаи на коронавирус – 364, 47 повеќе од вчера. Притоа биле направени 2.140 тестирања.
- Повторно убедливо најмногу се во Скопје – 185, па следуваат Струмица со 21, Тетово со 19 и Кочани со 17.
- Уште три лица починаа од ковид-19, а вкупно 775 досега.
- Комисијата за заразни болести денеска до Владата предложи неколку мерки за спречување на ширењето на коронавирусот:
- Забрана за групирање во домашни услови, при што едно домаќинство би можело да прими само четири гости.
- Забрана за групирање на повеќе од четири лица на јавен простор после 22 часот.
- Задолжително носење заштитна маска и на отворено и во затворено, вклучувајќи и работно место и јавен превоз. Исклучок се децата до шест години и лицата кои спортуваат на отворено.
