СТАОРЕЦОТ МАГАВА ОДИ ВО ПЕНЗИЈА ОТКАКО ЗА ПЕТ ГОДИНИ ОТКРИЛ НАД 100 МИНИ

Брисел, (АП)

По пет години откривање мини и други неексплодирани направи во Камбоџа, стаорецот Магава оди во пензија.

Тој важеше за најуспешниот глодар трениран од белгиската непрофитна организација АПОПО да пронаоѓа мини и да ги алармира пиротехничарите. Минатата година му беше доделено највисокото британско цивилно признание за храброст на животни, кое претходно беше резервирано само за кучиња.

„Иако е во добро здравје, Магава ја достигна возраста за пензионирање и почна да забавува“, изјавија од АПОПО.

Магава расчистил површина од над 141.000 квадратни метри, што е рамно на 20 фудбалски игралишта, при што пронашол 71 мина и 38 други неексплодирани средства.