Милиони луѓе во Мексико и Северна Америка сведочеа како Месечината го блокира Сонцето, создавајќи целосно помрачување. Патеката на небесниот спектакл се протегна 6.400 километри, од Масатлан во Мексико, преку 15 американски сојузни држави, до Њуфаундленд во Канада, покривајќи област во која живеат 44 милиони луѓе.
Најдолго траеше над делови на Тексас – четири минути и 27 секунди.
Целосните помрачувања на Сонцето се случуваат некаде низ светот на секои 11 до 18 месеци, но ретко се совпаѓаат со густо населени предели. Во Америка нема повторно да се случи до 2045 година.
Следното целосно затемнување ќе пристигне во 2026 и ќе може да се набљудува по северните рабови на Гренланд, Исланд и Шпанија.
