Уште три пациенти починаа од последиците на коронавирусот, додека во Македонија почна најдолгата општа забрана за движење досега.
- Бројот на смртни случаи од КОВИД-19 во земјата порасна на 49.
- Две возрасни жени од Куманово и Крушево и пациент од Лабуништа се трите последни регистрирани жртви на коронавирусот.
- Потврдени се и 36 нови случаи на зараза, што е тројно помалку во споредба со вчера.
- Во Македонија досега има 1.117 заразени со коронавирус, од кои 139 заздравиле.
- Од 16 часот, на сила е една од најригорозните рестриктивни мерки на светот откако трае пандемијата.
- Општата забрана за движење ќе опфати пет дена, ќе трае вкупно 85 часови, сѐ до пет часот наутро во вторник.
- На светско ниво досега има повеќе од 2,2 милиона заразени и е надмината бројката од 150.000 починати од КОВИД-19.
