Златото е сѐ уште голем бизнис во Дубаи. Таму се реализира 25% од светската трговија на овој драгоцен метал.

Дубаи никогаш не ја криел својата љубов кон златото и затоа не треба да чуди што тоа таму се консумира во буквална смисла на зборот.

Хотелот „Бурџ ал Араб“ годишно троши 700 грама злато за консумирање

Еден од најпрестижните хотели во градот „Бурџ ал Араб“ е украсен со 1.790 квадратни метри 24-каратно злато и тоа може да се најде дури и зад барот на 27. спрат, во капучино и коктели.

Ова расфрлање со злато и нема некоја смисла. Вистината е дека тоа нема никаков вкус.

Во Дубаи, и кафе и коктели се пијат со злато

„Златото е синоним за луксуз, до ниво на декаденција“, вели Етјен Аро, извршен менаџер за храна и пијалоци во „Бурџ ал Араб“.

Увезено од Италија и Индија, хотелот годишно троши 700 грама злато за консумирање. За таа намена, тоа обично има форма на снегулки, ливчиња или прашина. Биолошки е инертно и безбедно за консумирање, иако без вкус.

„Дијаманти се тешки за џвакање, па е полесно да се става злато во коктели“, се шегува Аро.

Во менито има најразлични пијалоци во кои се додава злато, а најпознат е коктелот „елемент 79“, именуван според атомскиот број на златото, кој, меѓу другото, содржи безалкохолно вино со златни снегулки и златни парчиња шеќер.

Редовни гости можат да порачаат и торта целосно прекриена со злато.

Професорката Барбара Сантич вели дека златото не додава никаква гастрономска вредност на јадењето.

„Тоа е сѐ во умот. Дискретно додавање злато би било убаво, но кога секој оброк доаѓа со злато, тогаш е премногу“, смета таа.

„24 карат“, италијански ресторан во хотелот „Мериот“ во Дубаи, нуди можност за додавање злато во секое јадење, дури и во пица, бургер и салата.