Елена Ристеска одржа мини концерт на отворањето на Саемот за венчавки во Скопје, што започна сношти (21 февруари) и ќе трае до утре (23 февруари) во хотелот „Александар палас“. Поп-пејачката беше облечена во бел костум, а на прашањето на водителката на настанот, Снеже Велков кога ќе облече венчален фустан, Ристека рече: „Секако дека ќе ги разгледам сите креации денес, а за фустан не мора да биде годинава. Ако пак облечам венчален фустан, тоа треба да биде вистинската приказна”, рече пејачката. Своите најголеми хитови ги испеа во придружба на гудачкиот квартет на Пламенка Трајковска.

Ова е 13. издание на Саемот кој годинава го имаше најдоброто издание. По настапот на Ристеска се одржа модна ревија со познати личности кои носеа венчаници на домашни дизајнери. Над 1.000 нови модели на венчаници и костуми можат да се пробаат на саемот.
Организатор е магазинот „Во бело”.





М. ЏАРОВСКА
Фото: Ѓ. ЛИЧОВСКИ